ANIVERSARIO SALA REBULLÓN

Sesión vermú:

Abrimos a festa con Rusty Bones, catro músicos vigueses que nos levan ao salvaxe oeste cun son cheo de raíz, folclore e rock americano.

Xantar popular con churrasco

A música fai bailar… pero tamén abre o apetito! Preparamos un xantar popular con churrasco do bo, para que recargues enerxía antes da que se vén pola tarde.

Concertos da tardiña con Leria e Jay & The Smoking Machines

Leria chega dende A Coruña cun indie-pop en galego que emociona e reivindica. Letras coidadas, sons frescos e unha posta en escena vibrante. Se gañaron o Novos Valores e abriron o Festigal, é por algo.

Por outra banda, Jay & the Smoking Machines mesturan blues, rock clásico, swing e un toque exótico nun directo que reborda personalidade.

E pola noite… Zavala e Ruxe Ruxe

Zavalamusica é unha bocanada de aire fresco na escena galega: tradición e vangarda mesturadas con electrónica, piano, acordeón e letras íntimas. Música de raíz cunha estética moderna e feminina que conmove e sorprende.

E para pechar por todo o alto, Ruxe Ruxe, historia viva do rock galego. Desde 1996 levan mesturando rock, punk e sons tradicionais con letras combativas e máxicas. Unha das bandas máis potentes do país, que en directo sempre o dá TODO.

Música, churrasco e moita festa para celebrar oito anos de cultura.

Sábado 10 de Maio

Entradas:

Churrasco + concertos: 12€

Concertos anticipada 6€ / Billeteira: 8€

Entradas físicas á venda: Cantina As Pedriñas (@cantinaaspedrinas)

Entrada web: https://vivetix.com/…/entradas-romaria-da-rebullon-viii…