BASEMENT SAINTS

Basement Saints é unha banda suíza que desafía os convencionalismos do rock. Lonxe da tradicional formación de guitarra, baixo e batería, apostan por un órgano Hammond orixinal con dúas Leslies, creando un son cru e envolvente que evoca o espírito salvaxe dos anos 70. Tras trece anos de noites intensas, directos electrizantes e unha paixón inquebrantable polos riffs ardentes, a banda viviu unha reconfiguración en 2021 coa incorporación do batería Simon Moll e do guitarrista británico Levent Basharan. Ese mesmo ano publicaron Stimulation, o seu terceiro álbum, que marcou o inicio dunha nova era.

En outubro de 2024 viu a luz Down South, o seu cuarto traballo de estudio, aclamado pola crítica como a súa obra mestra. O álbum consolida o seu son único, onde as melodías do virtuoso organista Robby Keys cobran protagonismo. A banda pasou por dificultades coa pandemia e o Brexit, que provocaron cambios na formación, mais souberon reiventarse sen perder a súa esencia. Actualmente, Basement Saints están considerados unha das bandas en directo máis incandescentes de Suíza, cunha base de fans fiel e unha crítica unánime que os sitúa como herdeiros do mellor rock clásico.

ENTRADAS