KIKE M + SHEILA PATRICIA

📢 KIKE M na Sala Rebullón!

A Rebullón ofrece a posibilidade de descubrir a un artista en plena expansión creativa. @kikemmusic é un dos nomes máis sólidos do novo rock urbano de raíz e actuará na Rebullón da man do programa @girandoporsalas do INAEM, con Sheila Patricia como artista convidada 😍

Con só dous traballos editados, o salmantino gañouse un lugar na primeira liña do novo rock de autor no Estado, nomeado a dous Premios da Academia da Música de España nas categorías de Mellor Álbum e Mellor Canción de Rock 🎶

Kike M lanzou en 2021 o seu primeiro álbum, “Antipersonal”, dez cancións editadas en formato fanzine e para o que contou coa colaboración de artistas como El Kanka ou Rulo. Con este primeiro álbum foi recoñecido como artista revelación pola Revista La Heavy e a web referencial do xénero Mariskalrock.com 😎

O seu segundo disco, “Cantares de Arcilla”, baixo a batuta do lendario músico e produtor Iñaki “Uoho” Antón (Platero y Tú, Extremoduro, Marea…), foi o éxito que lle permitiu dar o salto que apuntaba. O propio Kike M fíxose cargo da identidade visual de “Cantares de Arcilla”, modelando por cada canción unha escultura que representa un animal mitolóxico do bordado tradicional da serra de Francia (Salamanca) 🎸
Tras máis de 50 datas de xira, incluíndo festivais como o Festival de la Luz ou Sonorama Ribera, o artista adapta a súa proposta a un formato íntimo pero enerxético, fusionando folk rock con letras honestas e melodías coreables. En directo, Kike M, coa súa potente banda, é un despregamento de enerxía que se contaxia na primeira escoita 💥

E ademais, por se o plan non fora suficiente, o concerto de domingo contará con @sheilapatriciamusica como artista convidada. A galega está inmersa nunha nova etapa de volta ao esencial con “Epifanía”, un disco co acústico no centro: a guitarra, a voz e esa maneira tan súa de cantar a nivel interpretativo ✨

🎟️ O concerto terá lugar este domingo 19 ás 18:30 horas desde só 7 € en anticipada (10 € en billeteira) á venda online e na cantina do CSCD As Pedriñas. 🎟️

ENTRADAS