Sofia Espiñeira + Traspielas

Sofía Espiñeira, artista multidisciplinar de Mugardos (1986), mestura circo, teatro, danza e música, destacándose nesta última con composicións de raíz e linguaxe persoal. Gañou o II Certame de Canción de Autor de Teo en 2016, lanzando o seu primeiro disco, Alá onde agroman as herbas, e prepara o seu próximo traballo, Xeografías. Participou en festivais, colaborou con artistas como A Banda da Loba e As Tanxugueiras, e recibiu premios como o Martín Códax da Música 2022. Ademais, desenvolve unha carreira escénica como actriz, acróbata e bailarina en compañías galegas.

Traspielas é o  novo proxecto de Su Garrido Pombo con Macarena Montesinos, Iago Ramilo, Marco Maril e Fran Rodríguez Casal nos que celebran a memoria colectiva dunha aldea a través dunha obra musical, poética e visual. Partindo de pezas tradicionais recollidas na aldea de Traspielas e proxecións con imaxes actuais e de videoarquivo, músicas de recoñecida traxectoria e de estilos diversos, dan nova vida ás cancións cunha proposta artística multidisciplinar e contemporánea para poñer en valor a comunidade e a cultura popular.

Entradas na Cantiña As Pedriñas e reservasrebullon@gmail.com